Maraldydaǵy altyn óndirý fabrıkasynyń jumysy toqtamaıtyn boldy
Kúrshim aýdany Maraldy aýylynyń mańyndaǵy altyn óndirý fabrıkasynyń jumysyn toqtatýǵa eshqandaı negiz joq. ıAǵnı, fabrıka ary qaraı da jumys isteıdi. Biraq óndiristiń qaýipsizdigi qatań baqylaýǵa alynbaq.
Bul týraly QR ekologııa jáne tabıǵı resýrstar vıtse-mınıstri Mansur Oshýrbaev, ónerkásip jáne qurylys vıtse-mınıstri Iran Sharhan jáne Shyǵys Qazaqstan oblysy ákiminiń birinshi orynbasary Nurymbet Saqtaǵanovtyń Maraldy aýylynyń turǵyndarymen kezdesýi barysynda aıtyldy.
«Vıtse-mınıstrler, ShQO ákiminiń birinshi orynbasary jáne oblystyq basqarma basshylarynan quralǵan top Maraldy aýylyna baryp, salynyp jatqan altyn óndirý fabrıkasynyń jumysymen tanysty. Fabrıka basshylyǵyna eger turǵyndarǵa, qorshaǵan ortaǵa zalal tıetin bolsa, ekologııalyq jáne qaýipsizdik talaptary oryndalmasa, zań aıasynda qatań sharalar qoldanylatynyn, tipti zaýyt jumysy toqtatylatyny qatań eskertildi. Odan keıin top jergilikti turǵyndarmen kezdesip, olardyń ótinish-talaptaryn tyńdady. Nurymbet Saqtaǵanov barlyǵy da zań aıasynda sheshilýi kerek ekenin atap ótti. Zań boıynsha eshqandaı negiz bolmaǵandyqtan fabrıka jumysy toqtamaıdy. Eń mańyzdysy – halyqtyń jaǵdaıy jáne zań. Sondyqtan ekologııalyq jaǵdaı qatań baqylaýda bolady, al zańsyz qazba jumystaryn júrgizýge jol berilmeıdi», - dep habarlady ShQO aqparat ortalyǵynan.
Jıyn sońynda vıtse-mınıstrler aldaǵy ýaqytta maraldylyqtarmen taǵy da kezdesetinin málimdedi.
Al turǵyndar aıtylǵan máselelerge túsinistik tanytty.
Eske salsaq, osyǵan deıin Maraldy aýylynyń turǵyndary altyn óndirisin ashýǵa qarsy shyqqany habarlanǵan.
ShQO ákimdigi altyn kenishiniń daýly máselesi zań sheńberinde ǵana sheshilýi tıistigin málimdedi.