Marafonshylar Qaraǵandy – Ulytaý arasyn eki kúnde júrip ótpek
05:06, 05 Maýsym 2022
QARAǴANDY. QazAqparat – Akademık E.Bóketov atyndaǵy Qaraǵandy ýnıversıtetiniń 25 oqytýshysy «Ulytaýǵa taǵzym» ýltramarafonyna qatysty. Jarys JOO-nyń jarty ǵasyrlyq mereıtoıyna arnalǵan, dep habarlaıdy QazAqparat tilshisi.
Alǵashqy bolyp tańǵy saǵat 04:00-de Jastar alańynan dene shynyqtyrý jáne sporttyq daıyndyq teorııasy men ádistemesi kafedrasynyń aǵa oqytýshysy Baqdáýlet Tileýbek bastady. Ol 42 km júgiredi.
Uıymdastyrýshylardyń aıtýynsha, eki kún ishinde marafonshylar Qaraǵandy – Ulytaý baǵyty boıynsha 700 shaqyrymdy júrip ótýi tıis.
«Marafon bes topqa bólingen. Marafonshylardyń biri 50 km júgirse, basqalary 42 jáne 30 km júrip ótedi, men 21 km qashyqtyqty eńserýdi sheshtim», – deıdi sport sharasyn uıymdastyrýshy Marat Turymov.
Marafon Ulytaý aýdany murajaıynyń aldynda aıaqtalady.