Marafonǵa alǵash ret júgirý ómirdi 4 jylǵa qysqartady - zertteý

NUR-SULTAN. QazAqparat - Sońǵy jyldary marafonǵa júgiretinderdiń qatary artty jáne áli de artyp jatyr. Al Amerıkalyq kardıologtar kolledjiniń jýrnalynda jarııalanǵan zertteý nátıjelerine sensek, marafonǵa alǵash ret qatysyp, marafondy sońyna deıin júgirip shyqqan adamnyń arterııalyq qysymy tómendegen. Bul qantamyrlardyń jasyn tórt jylǵa kemitedi, dep jazady QazAqparat The Times of İndia basylymyna silteme jasap.

Azııa kardıologtar ınstıtýtynyń doktory Santosh Kýmardyń aıtýynsha, júgirý densaýlyqqa jaqsy áser etip, júrek jumysyn bir qalypty ustaıdy. Holesterındi azaıtyp, artyq salmaqtan arylýǵa kómektesedi. Sonymen qatar kúızelisten aryltady.

«Degenmen, marafonǵa qatysyp toppen júgirý adamǵa keri áserin de tıgizýi múmkin. Bul ár adamnyń densaýlyǵyna baılanysty. Marafonǵa qatyspas buryn mindetti túrde dárigerge qaralyp alý kerek»,- deıdi ol.

Ǵalymdardyń aıtýynsha, júgirý densaýlyqqa jaqsy áser etkenimen, marafonnyń orny bólek. Oǵan jatyqtyrýshymen arnaıy daıyndalý kerek.