Mańǵystaýlyqtardyń kólik salyǵy boıynsha qaryzy 1 mlrd teńgeden asty
Mańǵystaý oblysy boıynsha kirister departamentiniń habarlaýynsha, óńirde 33 828 adamnyń memleket aldynda qaryzy 1 014 mln teńgeni quraıdy. Qaryzdyń 736 504 myń teńgesi qaryzdyń negizgi somasy bolyp tabylady. Qalǵan 277 mln teńge — eseptelgen ósimpul.
«Eń úlken qaryz — Aqtaý qalasynda. Oblys ortalyǵynyń turǵyndary kólik salyǵy boıynsha 626 383 mln teńge qaryz. Odan keıin Jańaózen qalasyna keledi. Bul qaladaǵy avtokólik ıeleri 161,5 mln teńge kóleminde salyq tólemegen. Munaıly aýdany qaryz mólsheri boıynsha alǵashqy úshtikte – 116,0 mln teńgege jýyq qaryzy bar», - delingen habarlamada.
Mańǵystaý oblysy boıynsha Memlekettik kirister departamenti Salyq kodeksine sáıkes salyq tóleý merzimi aıaqtalǵannan keıin, merzimi ótken ár kún úshin ósimpul esepteletinin eske salady. Salyq tóleý úshin memlekettik kirister organdaryna barýdyń qajeti joq. «e-Salyq Azamat» mobıldi qosymshasyn ornatyp, salyq boıynsha qaryz kólemin bilip, onlaın tóleý jetkilikti. Sondaı-aq, mańǵystaýlyqtar ekinshi deńgeıli bankterdiń qosymshalaryn paıdalana alady.