Mańǵystaýlyqtar memlekettik qyzmetterdi robottyń kómegimen ala alady
Robot HQO-ǵa kezek brondaý, qujattardyń daıyndyǵyn tekserý, psıhologııalyq jáne narkologııalyq dıspanserden anyqtama alý sııaqty suranysqa ıe servısterdi derbes kórsete alady.
Kezek brondaý úshin JSN-di tondyq rejımde engizý, HQO-ny, baratyn kúni men ýaqytyn tańdaý qajet.
Anyqtama alý úshin robot kodty rastaıtyn JSN engizýdi usynady, al anyqtama siltemesin 1414 nómirinen SMS arqyly jiberedi.
Sondaı-aq, robot eń tanymal 50 másele boıynsha keńes beredi.
Ol tólqujat, jeke kýálik, ETsQ, bala týý boıynsha járdemaqy, zeınetaqy tólemderi jáne basqa da suraqtarǵa jaýap bere alady.
Sonymen qatar, belgili bir qyzmetti alý úshin qajetti qujattardyń tizimin SMS arqyly joldaıdy.
«Biryńǵaı baılanys ortalyǵy jelisinde aptasyna 7 kún táýlik boıy memlekettik qyzmetter boıynsha keńes beretin robot iske qosyldy. Biryńǵaı baılanys ortalyǵynyń roboty halyqqa qyzmet kórsetý ortalyǵyna kezekke turý, qujattardyń daıyndyǵyn tekserý, psıho-nevrologııalyq, narkologııalyq dıspanserdiń anyqtamasyn berý sııaqty qyzmetterdi kórsete alady»,- deıdi «Azamattarǵa arnalǵan úkimet» Mańǵystaý oblystyq fılıalynyń basshysy Aqmaral Abdýllaeva.
Aıta ketsek, 1414 biryńǵaı baılanys ortalyǵy 11 jyldan astam ýaqyt boıy azamattarǵa keńes berip keledi.
Jyl basynan beri jeli arqyly 1,2 mln astam ótinish túsken, onyń 35%-yna robot qyzmet kórsetti.