Mańǵystaýlyq jas dzıýdoshylar halyqaralyq jarystan júldeli oraldy
05:21, 01 Naýryz 2023
AQTAÝ. QazAqparat – Mańǵystaý oblysy Qaraqııa aýdanynyń jas balýandary Almatyda dzıýdodan 2008-2009, 2010-2011 jyly týǵan jasóspirimder arasynda ótken Titan Judo Cup halyqaralyq týrnırinde júldeli oryn aldy, dep habarlaıdy QazAqparat tilshisi.
Kil myqtylar baq synaǵan jarysta Quryq balalar men jasóspirimder sport mektebiniń oqýshylary Arýjan Sarsenova II oryn, Qaısar Іztańat II oryn, Nurasyl Baımaǵanbetov II oryn aldy.
«Osy ýaqytqa deıin daıyndaǵan eńbegimiz esh ketpeı, sportshylarymyz joǵary nátıje kórsetti. Jasóspirimder úshin bul jarys úlken tájirıbe boldy. Jattyǵýdy odan ári údetip, budan da bıik belesti baǵyndyrýǵa tyrysamyz», - deıdi sportshylardyń bapkeri Marat Bekbatyrov.
Úsh kúnge sozylǵan jarysqa óńirler boıynsha 2300 sportshy jáne Ózbekstan, Tájikstan, Qyrǵyzstan qurama komandalary da qatysty.