Mańǵystaýlyq volonterler «Halyq alǵysy» medalimen marapattaldy

AQTAÝ. QazAqparat - Mańǵystaýlyq eriktiler Memleket basshysy Qasym-Jomart Toqaevtyń qatysýymen ótken Volonter jylynyń jabylý rásimine onlaın qatysty.

Mańǵystaýlyq Sadýaqasov Aısaǵalı «Jyl volonteri» halyqaralyq syılyǵynyń «Tarıhı-mádenı muralardy saqtaýǵa jáne damytýǵa qosqan úlesi úshin» nomınatsııasy boıynsha marapattaldy, oǵan óńir basshysy arnaıy syılyqty tabystady.

Nur-Sultan qalasynda bastaý alǵan shara «Mańǵystaý volonterleri, birgemiz!» atty saltanatty sharaǵa ulasty.

Óńir basshysy S.Trumovtyń qatysýymen ótken jıynda mańǵystaýlyq volonterlerdiń qyzmeti men jetistikteri baıandaldy.

Óńirdegi volonterlyq toptar men qaıyrymdylyq uıymdar oblys turǵyndaryna koronavırýstan qorǵaný, tótenshe jaǵdaı rejımindegi qaýipsizdik sharalaryn saqtaý, karatınde qıyn jaǵdaıǵa tap bolǵan áleýmettik jaǵynan osal toptaǵy azamattarǵa qoldaý kórsetý baǵytynda aýqymdy jumys atqardy.

Bilim berý, densaýlyq saqtaý, áleýmettik qorǵaý, janýarlardy qorǵaý, ekologııa, tótenshe jaǵdaı, quqyq qorǵaý salasyndaǵy volonterlikti damytýǵa úles qosqan volonterler «Halyq alǵysy» medalimen marapattaldy.

Jıyn barysynda óńirdegi volonterlik qyzmettiń damýyna úles qosyp, ıgi iste azamatardyń basyn biriktirgen volonterlik toptar men qaıyrymdylyq uıymdary arnaıy marapatqa ıe boldy.

Sondaı-aq, qaýipti indetpen kúreste aldyńǵy shepte kóringen volonterler «Volunteer Corps Awards» premııasynyń «Jyl belsendisi» atandy.

Óńir basshysy volonterlerge rızashylyǵyn jetkizip, volonterlik jobalar men volonterlerge qoldaý kórsetý jalǵasatynyn jetkizdi.