Mańǵystaýlyq turǵyn óz úıinen balalarǵa arnap úıirme ashty
Óńirdegi Quryq aýylynyń turǵyny Kenje Kóreǵulov óz qarajaty esebinen «Sýret salý» úıirmesin ashty.
Kenje Kóreǵulov Almaty qalasyndaǵy Abaı atyndaǵy Qazaq ulttyq ýnıversıtetiniń túlegi.
«Qazirgi ýaqytta úıirmeni ashqanyma 3 aıdyń shamasy boldy. 7-11 jas aralyǵyndaǵy 12 balaǵa beıneleý ónerin úıretýdemin. Qysqa ýaqyt ishinde shákirtterim qaryndash, akvarel, gýash, maıly boıaýmen sýret salýǵa kóshti. Negizi jasqa baılanysty shekteý joq, nıettengen adamdarǵa úırete beremin», - dedi ol.
Kenje Kóreǵulov 250-ge jýyq kartınanyń avtory. Búginge deıin aýdandyq mádenıet úıinde jáne Aqtaý qalasyndaǵy Álem galereıasynda jeke kórme uıymdastyrǵan.
«Bolashaqta sýret úıirmesimen toqtalyp qalmaı, aǵash buıymdaryn jasaý, qumyra jasaý (Gonchar) úıirmesin ashqym keledi», - dedi Kenje Kóreǵulov.