Mańǵystaýlyq sportshy qazaq kúresinen Azııa chempıony atandy
Ózbekstannyń Djızak qalasynda qazaq kúresinen eresekter arasynda Azııa chempıonaty ótti. Onda 11 eldiń sportshylary baq synady.
Ulttyq quramada óner kórsetken mańǵystaýlyq Nurdáýlet Jarylǵapov 1 +100 keli salmaq dárejesinde Azııa chempıony atandy. Nurdaýlet alǵashqy beldesýinde úndistandyq sportshyny jeńse, odan keıingi beldesýlerinde tájikstandyq jáne japondyq sportshydan basym tústi.
Ulttyq qurama ókilderi jalpykomandalyq esepte birinshi orynǵa ıe boldy.
Jalpykomandalyq esep І oryn – Qazaqstan (8 altyn, 3 kúmis, 4 qola), ІІ oryn – Ózbekstan (7 altyn, 4 kúmis, 4 qola), ІІІ oryn – Tájikstan (1 altyn, 5 kúmis, 1 qola) aldy.
«Qara býra» laqap atymen tanylǵan mańǵystaýlyq sportshy Nurdáýlet Jarylǵapovty oblystyq sport basqarmasynyń basshysy Aıbek Imashev, oblystyq ulttyq oıyndar ortalyǵynyń basshysy Qaırat Býrbasov, qazaq kúresi jáne dzıýdo BJSM basshysy Qabyl Bısenqul jáne basqa da sport maıtalmandary kútip aldy.
Buǵan deıin «Qara býra» «Saryarqa batyrlary» respýblıkalyq týrnırinde de chempıon bolǵan edi. Al shildede «Qazaqstan barysyna» qatysady.