Mańǵystaýlyq sheneýnikter 200 mln teńge jymqyrdy degen kúdikpen qamaldy

AQTAÝ. QazAqparat - Mańǵystaýlyq sheneýnikter 200 mln teńge jymqyrdy degen kúdikpen qamaýǵa alyndy, dep habarlaıdy QazAqparat tilshisi.

Mańǵystaý oblystyq ekonomıkalyq tergeý departamentiniń habarlaýynsha, Mańǵystaý oblysy qurylys basqarmasynyń basshysy Shabaı Tájiǵaraev, Beıneý aýdandyq qurylys bóliminiń basshysy S. Bısenov, «Beıneý qurylys» merdiger mekemesiniń bas dırektory B.Saraltaev qamaýǵa alynǵan.

2017 jyly «Beıneý aýdandyq qurylys bólimi» MM men merdigerlik uıym arasynda Beıneý aýdanynyń Sarǵa aýylyna sý tazartý qondyrǵysy men aýylishilik sý qubyry qurylysyna memlekettik satyp alý sharty jasalǵany anyqtaldy. Qujat quny 477,6 mıllıon teńge.

«2021 jylǵy 24 tamyzdaǵy sot-qurylys saraptamasynyń qorytyndysyna sáıkes, 203,6 mıllıon teńgeniń jumysy oryndalmaǵan belgili boldy. Kúdiktiler Qazaqstan Respýblıkasynyń qylmystyq is júrgizý kodeksiniń 128-babyna sáıkes qamaýǵa alynyp, ýaqytsha ustaý ızolıatoryna qamaldy. Qazirgi ýaqytta is boıynsha qajetti tergeý-jedel is-sharalary júrgizilýde», - delingen habarlamada.