Mańǵystaýlyq sheneýnik áıel sheteldikterden júıeli túrde para aldy degen kúdikke ilindi

AQTAÝ. QazAqparat – Mańǵystaý oblystyq sybaılas jemqorlyqqa qarsy is-qımyl qyzmeti birneshe márte para alǵany úshin Mańǵystaý oblysy halyqty jumyspen qamtý jáne áleýmettik qorǵaý basqarmasynyń sheteldik jumys kúshin tartý máseleleri jónindegi bólim basshysyna qatysty sotqa deıingi tergeý amaldaryn bastady, dep habarlaıdy QazAqparat.

Ol oblys aýmaǵynda eńbektenip júrgen sheteldik azamattarǵa esh kedergisiz vıza berý jáne onyń merzimin uzartý úshin sheteldik kompanııa ókilderinen júıeli túrde 500-den 1000 AQSh dollaryna deıin para aldy dep kúdikke ilinip otyr.

Sotqa deıingi tergeý jalǵasýda. Kúdikti ustalyp, Aqtaý qalasy ýaqytsha tergeý ızolıatoryna qamaldy.

Kúdiktige qatysty sońǵy sheshimdi sot shyǵarady.