Mańǵystaýlyq shekarashylar teńizde jaýyngerlik jattyǵý ótkizdi

NUR-SULTAN. QazAqparat – Mańǵystaýda shekara qyzmetiniń jaýyngerleri teńizde jattyńý ótkizdi, dep habarlaıdy QR UQK baspasóz qyzmeti.

«Memleket basshysynyń Qazaqstan Respýblıkasy Qarýly kúshteri men áskerı quralymdarynyń jaýyngerlik daıyndyǵyn arttyrý týraly tapsyrmasyn oryndaý aıasynda Shekara qyzmeti Mańǵystaý oblysy boıynsha departamenti teńiz bólimsheleriniń kúndelikti qyzmetti uıymdastyrýy jáne kemeler men katerlerdi urysqa jáne joryqqa daıyndyǵyn tekserý boıynsha is-sharalar júrgizýde» delingen habarlamada.

Málimetke saı, jaýyngerlik tapsyrmalardy oryndaý maqsatynda shekara kemeleriniń ekıpajdary birlesip júzý oqý-jattyǵýlaryn ótkizip, túngi jáne kúrdeli gıdrometeorologııalyq jaǵdaılarda teńiz jáne jaǵalaý nysandaryna artıllerııadan oq atty.

Jeke quramnyń aldyna qoıylǵan mindetter tolyq kólemde jáne sátti oryndaldy.