Mańǵystaýlyq polıtseıler esirtki satatyn 72 saıtty buǵattady

AQTAÝ. QazAqparat - Óńirdegi esirtki qylmysyna qarsy is-qımyl basqarmasynyń qyzmetkerleri esirtki qylmysynyń 493 faktisin anyqtap, esirtki satatyn 72 saıtty buǵattady, dep habarlaıdy QazAqparat tilshisi Mańǵystaý oblystyq polıtsııa departamentiniń baspasóz qyzmetine silteme jasap.

Departamenttiń málimetinshe, jyl basynan beri esirtki saýdasyna qarsy is-qımyl basqarmasynyń qyzmetkerleri 493 esirtki qylmysyn anyqtaǵan. Nátıjesinde zańsyz aınalymnan geroın, marıhýana, gashısh, apıyn jáne sıntetıkalyq esirtki sııaqty 193 keligie jýyq esirtki zattary tárkilendi.

«Oblys polıtseıleri Ákimshilik quqyq buzýshylyq týraly kodekstiń 608-babyn buzýdyń 39 faktisin (esirtkige mas kúıinde kólik quralyn júrgizý), 426-babyn buzýdyń bes faktisin (dárilik preparattardy retseptisiz bosatý) jáne 427-babyn buzýdyń bir faktisin (esirtki, psıhotroptyq zattar, prekýrsorlar aınalymy salasyndaǵy obektiler men úı-jaılardyń tehnıkalyq nyǵaıtylý talaptaryn buzý) anyqtady», - delingen habarlamada.

Sondaı-aq, esirtki quraldary men olardyń analogtaryn jarnamamen jáne satýmen aınalysatyn 72 saıtty tapty. Barlyq saıttar buǵattaldy. Esirtki zattaryn satý boıynsha ınternet-resýrstardy jarnamalaıtyn 40 graffıtı tabyldy jáne joıyldy.