Mańǵystaýlyq oqýshylar segiz kúndik jaıaý saıahattan oraldy

AQTAÝ. QazAqparat - QR Tuńǵysh Prezıdenti Nursultan Nazarbaevtyń «Rýhanı jańǵyrý: Bolashaqqa baǵdar» baǵdarlamasynyń «Tarıhqa taǵzym» onkúndigine oraı Mańǵystaýdaǵy Túpqaraǵan aýdanynyń oqýshylary jaıaý saıahatqa shyqty, dep habarlaıdy QazAqparat tilshisi.

Sharaǵa M.Gorkıı atyndaǵy mektep-lıtseıiniń «Jas týrıst» úıirmesi qatysty.

«Jaıaý joryq - sporttyq týrızmniń bir túri. Negizgi maqsat - marshrýt boıynsha belgili bir aımaqtan ótý. Oqýshylarym І kategorııa boıynsha uzaqtyǵy 8 táýlikte 145 shaqyrymdy júrip ótti. Jaıaý joryq arnaıy kólikti qajet etpeıdi, kez kelgen aýmaq boıynsha joryqtar uıymdastyrýǵa bolady»,-deıdi «Jas týrıst» úıirmesiniń jetekshisi Birjan Jumashev.

Jaıaý joryqqa qatysqan oqýshylarǵa sporttyq týrızm federatsııasynan 3 razrıad dárejesi berilip, respýblıkaǵa joldama aldy.

Aıta keteıik, Túpqaraǵandaǵy M.Gorkıı mektep-lıtseıi jaıaý joryqty udaıy uıymdastyryp kele jatqan tájirıbeli bilim oshaǵy retinde tanymal.

Bul baǵytta respýblıkalyq baıqaýlarda júldeli oryndar ıelengen.