Mańǵystaýlyq mektepterdiń 90 paıyzy vıdeokameramen jaraqtaldy

AKTAÝ. QazAqparat - Mańǵystaý oblysynda barlyq memlekettik bilim berý uıymdarynyń 90 paıyzy vıdeokameramen jaraqtaldy, olardyń sany - 431, dep habarlady «QazAqparat» HAA tilshisi.

Vıdeobaqylaý júıelerimen qamtamasyz etý lańkestik qatynasqa osal nysandardy lańkestikke qarsy qorǵaý júıesine qoıylatyn talapqa (QR Úkimetiniń 2015 jylǵy 3 sáýirdegi №191) sáıkes oryndalady.

431-diń (244 mektepke deıingi uıym, 141 mektep, 6 arnaıy bilim berý uıymy, 14 qosymsha bilim berý ortalyqtary, 26 kolledj) 400-i  beıne baqylaý kamerasymen jaraqtaldy.  Kamera qaýipsizdikti qamtamasyz etý maqsatynda ornatylady. Barlyq bilim berý uıymdary Biryńǵaı kezekshilik dıspetcherlik qyzmetke qosylǵan. Endi qalǵan mekepterge kamera ornatý jumystary júrgizilýde», - dedi oblystyń bilim berý basqarmasy tárbıe jumysy bóliminiń ınspektory Orazkúl Baıjanova.

Budan basqa, oblys mektepterinde qaýipsizdikti saqtaý úshin tájirıbe retinde Aqtaý qalasynyń 5 mektebine jáne qazaq-túrik lıtseıine kireberistik týrnıketter ornatyldy.