Mańǵystaýlyq kompanııa «Nurly jolǵa» bólingen jarty mıllıard teńgeni jymqyrǵan

NUR-SULTAN. QazAqparat – QR Sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamenti «Nurly jol» baǵdarlamasyna bólingen 552 mln teńgeni jymqyrdy degen kúdikpen mańǵystaýlyq «IPTs-Alıans» kompanııasy dırektorynyń orynbasary men bas ınjenerin ustady. Bul týraly QazAqparat agenttiktiń baspasóz qyzmetine silteme jasap habarlaıdy.

Kúdiktilerge respýblıkalyq mańyzy bar «Beıneý - Aqjigit - Ózbekstan Respýblıkasynyń shekarasy» avtojolyn qaıta jańartý ýchaskesinde oryndalǵan jumystardyń jalǵan aktilerine qol qoıý arqyly 552 mln teńge bıýdjet qarajatyn jymqyrdy degen aıyp taǵylyp otyr.

«Sybaılas jemqorlyqqa qarsy is-qımyl departamenti «Qazavtojol» ulttyq kompanııasynyń Mańǵystaý oblystyq fılıalymen birlesip, «IPTs-Alıans» JShS dırektorynyń orynbasary jáne bas ınjeneriniń bıýdjettik qarajatty jymqyrý faktisin anyqtady. Qarjy «Nurly jol» memlekettik baǵdarlamasy aıasynda bólingen. Tergeý jalǵasýda. Kúdiktilerdiń kinásin anyqtaıtyn túpkilikti úkimdi sot shyǵarady», - delingen baspasóz aqparatynda.