Mańǵystaýlyq Ábý Bákir Jánibek djıý-djıtsýdan álem chempıony atandy

ULANBATYR. QazAqparat - Mańǵystaýlyq Ábý-Bákir Jánibek djıý-djıtsýdyń faıtıng baǵdarlamasynda álem chempıony atandy, dep habarlaıdy QazAqparat oblystyq sport basqarmasynyń baspasóz qyzmetine silteme jasap.

Mońǵolııa astanasy Ulanbatyr qalasynda djıý-djıtsýdan álem chempıonaty ótip jatyr.

Álem birinshiligine 41 memleketten 500-den astam sportshy kelip, baq synaýda.

Álem chempıonatynda ulttyq qurama sapynda mańǵystaýlyq 7 sportshy baq synady.

-62 keli salmaqta Ábý Bákir Jánibek altyn júlde alsa, kúmis júldeni kolýmbııalyq sportshy, qola júldeni shvetsııalyq sportshy jáne qazaqstandyq Aslan Qanatbek ıelendi.

Osyǵan deıin Ábý Bákir eresekter arasynda álem chempıonatynyń 5 dúrkin qola júldegeri bolyp, 2023 jyly álem chempıony atandy.

Sondaı-aq, sportshy aqpan aıynda Bangkokta (Taıland) djıý-djıtsýdan Azııa chempıony atanǵan bolatyn.

Álem chempıonaty 15 shilde bastalyp, 21 shildege deıin jalǵasady.