Mańǵystaýlyq 143 myń bala jazǵy demalys ornymen qamtylǵan

AQTAÝ. QazAqparat – Mańǵystaý oblysynda 140 myńnan astam bala jazǵy demalys oryndarymen qamtyldy. «Flamıngo», «Jyly jaǵajaıdaǵy jazǵy demalys» («Baldáýren») lagerlerinde az qamtylǵan jáne kópbalaly otbasynan shyqqan 3 myńǵa jýyq bala demalyp jatyr, dep habarlaıdy QazAqparat tilshisi.

Jazǵy lagerge 1-10 synyp oqýshylary joldama alǵan.

«Óńirdiń 92 mektebinde bastaýysh synyp oqýshylaryna mektep janyndaǵy lager uıymdastyrylǵan.

«Flamıngo» lagerinde «Qazaqstan halqyna» qoǵamdyq qorynan bólingen arnaıy kvota aıasynda 1410 balanyń demalysy josparlanǵan. Qazirgi tańda úshinshi aýysymda 350 bala óz ýaqytyn tıimdi ótkizip jatyr»,- dedi Mańǵystaý oblysy Bilim basqarmasynyń bas mamany Oryngúl Mamýtova.

Óńirde 143 627 balanyń jaz mezgilindegi bos ýaqytyn tıimdi uıymdastyrýdyń tórt baǵyty qarastyrylǵan:

- jumyspen qamtý: 4 982 bala «Jasyl el» kógaldandyrý jáne abbattandyrý brıgadasyna tartyldy;

- shyǵarmashylyq baǵyt: 17 myń bala ártúrli mekemelerdegi 131 klýb pen úıirmege, 23 myńnan astam bala 55 aýla klýbtaryna barady;

- sport-týrızm baǵyty: 62 myńnan astam oqýshy joryqtarǵa, ekskýrsııalarǵa, týrıstik tanystyrý saparlaryna, ekspedıtsııalarǵa (arheologııalyq, ekologııalyq, ólketaný) qatysady;

- zııatkerlik baǵyt: «Jas ulan»,«Jas qyran» top músheleriniń kóshbasshylary aktıviniń jazǵy mektepteri, sondaı-aq 36 myńnan astam bala tegin jazǵy tildik mektepterge, pikirsaıys úıirmelerine barady.