Mańǵystaýǵa keletin týrıster sany ósti

AQTAÝ. QazAqparat - Mańǵystaý – elimizdegi týrızmdi damytýǵa múmkindigi joǵary aımaq retinde tanyldy. Bul týraly óńir basshysy Serikbaı Trumov turǵyndar aldynda bergen esebinde aıtty, dep habarlaıdy QazAqparat tilshisi.

«Jergilikti bıýdjet qarajaty esebinen Aqtaý men Quryq porty aralyǵyndaǵy teńiz jaǵalaýynyń ınfraqurylymyn damytý, onyń ishinde elektr qýatymen, sýmen, gazben qamtý jáne Aqtaý qalasynan «Alaý» balalardy saýyqtyrý lagerine deıingi 4 jolaqty qozǵalystaǵy, odan ári Quryq paromdyq keshenine deıingi 2 jolaqty qozǵalystaǵy avtojoldyń qurylysyn salý jáne qaıta qurylymdaý boıynsha qarqyndy jumystar júrgizilýde»,-dedi ákim.

Óńirde ınvestıtsııa kólemi – 160 mln teńgeni qurap, barlyǵy 41 jumys orny ashyldy.

Byltyr Mańǵystaý óńirine kelgen saıahattaýshylardyń sany 200 myńnan asty. Aımaqta týrısterge qyzmet kórsetetin 90 qonaqúı bar. Ótken 2018 jyldyń 9 aıymen (3,9 mlrd. teńge) salystyrǵanda, byltyr kórsetilgen qyzmet kólemi 4,1 mlrd teńgeni qurap, 104,3%-ǵa ósti.