Mańǵystaýdaǵy jaǵdaı jiti nazarda – Maǵzum Myrzaǵalıev
«Búginde «QazMunaıGaz» Qazaqstanda munaı men gaz kondensatyn óndirýdiń 25 paıyzyn jáne kómirsýtekterdi óńdeýdiń 81 paıyzyn qamtamasyz etedi. Osy kezeńde munaı óndirý kólemi 3 esege ósti. Eger 2002 jyly bul kórsetkish 7,4 mln tonna bolsa, byltyrǵy qorytyndyda 21,6 mln tonnany qurady. Nátıjesinde kompanııanyń munaı óndirý kólemi 300 mln tonnadan asty. «QazMunaıGazǵa» elimizdegi úsh munaı óńdeý zaýyty qarasty. Olar – Pavlodar, Atyraý, Shymkent zaýyttary jáne Aqtaý qalasynda bıtým zaýyty bar. 2002-2021 jyldary aralyǵynda munaı óńdeý kólemi 18,8 mln tonnaǵa deıin ulǵaıdy. ıAǵnı, 8,2 esege ósti», - dedi Maǵzum Myrzaǵalıev «2025 jylǵa deıin halyqtyń tabysyn arttyrý baǵdarlamasy» keshendi josparyn júzege asyrý jónindegi keńes barysynda.
Onyń dereginshe, birlesken kásiporyndardy qosa alǵanda, «QazMunaıGaz» qaramaǵynda 73 myńnan astam qyzmetker bar. Sonymen qatar iri merdigerlik uıymdar mamandarynyń sany 27 myńdy quraıdy.
«Kompanııamyz Qazaqstannyń barlyq óńirinde jumys isteıdi. Bizdiń kásiporyndar kóp shoǵyrlanǵan aımaq - Mańǵystaý oblysy. Sondyqtan bul aımaqtaǵy jaǵdaı jiti nazarymyzda. Ondaǵy 18 kásiporynda 30 myńǵa jýyq adam jumys isteıdi. Sonymen qatar kásiporyndarymyzǵa qyzmet kórsetetin 90-nan astam merdigerlik uıym bar. Ol mekemelerde 19 myńnan astam qyzmetker eńbek etedi. Jańaózende «ÓzenMunaıGazdy» qosa alǵanda, 6 kásiporyn ornalasqan. Olarda jalpy 13 myńnan astam jumys isteıdi. Al merdigerlik mekemelerde shamamen 12 myń adam», - dedi kompanııa basshysy.