Mańǵystaýdaǵy qýańshylyq: Mal azyǵy qoryn jasaýǵa qosymsha qarajat bólinedi

AQTAÝ. QazAqparat – Mańǵystaý oblysynyń ákimi Nurlan Noǵaevtyń qatysýymen oblystyq máslıhattyń kezekten tys jetinshi sessııasy ótti, dep habarlaıdy QazAqparat ákiminiń baspasóz qyzmetine silteme jasap.

Sessııa barysynda depýtattar qysqy mal azyǵy qoryn jasaýǵa qosymsha qarajat bólýdi maquldady. Atap aıtqanda, qosymsha 3,2 mlrd teńge bólinedi. Bul qarajatqa 26200 tonna jem men 4000 tonna shóp satyp alý josparlanýda.

Sonymen qatar depýtattar áleýmettik mańyzy bar azyq-túlik taýarlarynyń qoryn tolyqtyrýǵa, tutynýǵa berilgen aýyz sý qunyn sýbsıdııalaýǵa, Aqtaý qalaishilik marshrýtynyń 6 baǵyty boıynsha avtoparktyń jańartylýyn sýbsıdııalaýǵa jáne t.b. birqatar áleýmettik mańyzdaǵy máselelerdi qarjylandyrýǵa kelisim berdi.

Jıynǵa qatysqan Nurlan Noǵaev oblystyń áleýmettik-ekonomıkalyq damýy barlyq memlekettik organdardyń úılesimdi jumys isteý nátıjesinde iske asatynyn aıtty.