Mańǵystaýdaǵy kásipkerlik nysandar «Qyzyl» aımaqtyń shekteýlerine sáıkes jumys isteıdi

AQTAÝ. QazAqparat - Mańǵystaýdaǵy kásipkerlik nysandar «Qyzyl» aımaqtyń shekteýlerine sáıkes jumys isteıdi, dep habarlaıdy QazAqparat tilshisi.

Bul týraly Qoǵamdyq kommýnıkatsııa ortalyǵynda ótken brıfıngide Mańǵystaý oblysy sanıtarııalyq-epıdemıologııalyq baqylaý departamentiniń basshysy Ǵazız Nadýev málim etti.

Onyń aıtýynsha, kásipkerlik nysandar 3 shildeden bastap «Qyzyl» aımaqtyń talaptaryna sáıkes jumys isteıdi.

«23-30 maýsym aralyǵynda oblys boıynsha koronavırýs ınfektsııasynyń 265 jaǵdaıy tirkeldi. Ótken aptalarmen salystyrǵanda syrqattanýshylyq deńgeıiniń 23 paıyzǵa óskendigi baıqalady. Sondyqtan memleket tarapynan qaýipti indettiń taralýynyń aldyn alý úshin birqatar shara qolǵa alyndy. Osy oraıda turǵyndardy adam kóp shoǵyrlanǵan jerge barmaýǵa, sanıtarlyq erejelerdi ustanýǵa shaqyramyn», - dedi Ǵazız Nadýev.