Mańǵystaýdaǵy hımııalyq kásiporyn tabıǵı gaz shyǵarý aýqymyn keńeıtedi

AQTAÝ. QazAqparat - Qazaqstandaǵy ammıak selıtrasyn óndiretin jalǵyz kásiporynda qaıta qurý jumystarynyń ekinshi kezeńi júrgizilip jatyr. Sondaı-aq, «QazAzot» óziniń negizgi shıkizaty - tabıǵı gaz óndirisi kólemin arttyrý maqsatynda «Shyǵyrly-Shómishti» ken ornynyń aýmaǵyn keńeıtýde, dep habarlaıdy «QazAqparat» HAA tilshisi.

Belgili bolǵandaı, kásiporyn respýblıkadaǵy hımııa ónerkásibi ónimderin óndiretin eń iri kásiporyn (Qazaqstandaǵy ammıak selıtrasynyń 90%-dan astamy óndiriledi).

2014 jyly zaýytty jańǵyrtýdyń birinshi kezeńi aıaqtalǵan bolatyn.

«Zaýytty qaıta qurý ónim shyǵarý kólemin 2013 jylǵy óndirilgen 170 myń tonnadan 2016 jyly 320 myń tonnaǵa deıin, ıaǵnı eke esege arttyrýǵa múmkindik berdi. Ásirese ammıak óndirý tsehy jańartyldy, óıtkeni ol táýlik boıy jumys isteıdi. Ekinshi kezeń ónimdilikti arttyryp, ekonomıkalyq kórsetkishterdi jaqsartýǵa: ózindik qunyn arzandatyp, ammıak, sý jáne elektr energııasy syndy shyǵyn materıaldary men koeffıtsıentterdi tómendetýge  baǵyttalǵan», - deıdi «QazAzot» AQ bas dırektorynyń orynbasary, bas ınjener Vladımır Bashmakov. 

Ekinshi kezeń aıasynda daıyn ónim kólemi jylyna 400 tonnaǵa deıin ósedi. Kásiporyn qýatty 38,9 MVT bý shyǵaratyn «Gazporshendik elektr stantsııasynyń qurylysy» jobasyn iske qosty.