Mańǵystaýdaǵy ǵıbadat úılerde ujymdyq sharalar ótkizýge bolmaıdy

AQTAÝ. QazAqparat - Mańǵystaýdaǵy ǵıbadat úılerde ujymdyq sharalar ótkizýge bolmaıdy, dep habarlaıdy QazAqparat tilshisi Din isteri basqarmasynyń baspasóz qyzmetine silteme jasap.

9 sáýirden bastap Mańǵystaý oblysy «sary aımaqqa» kirýine baılanysty oblystyń bas sanıtarııa dárigeri 13 sáýirde №7 qaýlyny qabyldady .

Qaýlynyń 2-tarmaǵy 13-tarmaqshasyna sáıkes ujymdyq is-sharalardy ótkizbeı dinı obektilerdiń qyzmetine ruqsat berilgen. Osyǵan oraı, aımaqtaǵy epıdemıologııalyq jaǵdaıdy eskere otyryp, dinı birlestikterdiń ǵıbadat úılerinde (meshit, shirkeý) tek qana jekelengen qulshylyq jasaýǵa ruqsat etiledi jáne Qazaqstan Respýblıkasynyń Bas memlekettik sanıtarlyq dárigeriniń №67-qaýlysynyń 20-qosymshasyna sáıkes dinı obektilerdegi sanıtarlyq-dezınfektsııalyq rejımge qoıylatyn talaptardy qatań saqtaý kerek.

Qaýly 17 sáýirde 00.00 saǵattan bastap kúshine enedi.