Mańǵystaýda jyrshylar baıqaýynyń jeńimpazyna 1 mıllıon teńge tabystaldy

AQTAÝ. QazAqparat - Muryn jyraýdyń 160 jyldyǵyna arnalǵan «Muhıttan qalmysh teńiz - jyr» respýblıkalyq jyrshylar baıqaýynda mańǵystaýlyq Ospan Qulsymaq top jardy, dep habarlaıdy Qazaqparat tilshisi.

Fort-Shevchenko qalasynda eki kúnnen beri ótip jatqan baıqaýdyń marapattaý rásimi ótti. Qazylar alqasynyń ortaq sheshimimen bas júldege tigilgen 1 mln teńge mańǵystaýlyq Ospan Qulsymaqqa tabystaldy. Sondaı-aq, ol Muryn jyraýdyń dombyrasyn utyp aldy.

Al 1-oryn 700 myń teńge Batys Qazaqstannan kelgen Farhat Orazovqa buıyrdy. 2-oryndy 500 myń teńgeden almatylyq jyrshy Aıdos Turar men qyzylordalyq Hasenhan Kishkeneeva ıelendi.

Mańǵystaýlyq Manash Ádilbaev, qyzylordalyq Túrikpen Kúnsulý, nur-sultandyq Bektasov Abylaıhan jáne mańǵystaýlyq Berdibaı Toıǵulıevtar 3-orynda. Qalǵan talapker jyrshylarǵa alǵys hattar men arnaıy syılyqtar tabystaldy.

Aıta keteıik, jyrshynyń qurmetine oraı uıymdastyrylǵan baıqaýdyń maqsaty - «Qyrymnyń qyryq batyry» syndy murany jáne osy zamanǵa jetkizýshi Muryn jyraýdyń esimin jas oryndaýshylar arasynda keńinen nasıhattaý, rýhanı murany jańǵyrtý.