Mańǵystaýda júregi kenetten toqtap qaıtys bolatyndardyń sany artqan
2022 jyly oblysta júrek jumysy buzylyp, 94 naýqas kóz jumǵan.
«Sońǵy kezde júrek qan-tamyr júıesi aýrýlarynan bolatyn asqynýlar men kenetten ólip ketý jaǵdaılary kóbeıip otyr. Oǵan naýqastardyń medıtsınalyq kómekke kesh júginýi nemese berilgen emdi turaqty túrde paıdalanbaýy da sebep bolyp otyr. Sonyń áseri júrektiń jıyrylý qyzmetiniń tómendeýine, júrektiń keńeıýine, júrektiń nosostyq qyzmetiniń tómendeýine alyp keledi. 2022 jyly 1282 naýqasqa koronarografııa jasaldy, onyń 378 naýqasyna osy atalǵan qan-tamyrǵa stend qoıyldy»,- dedi Mańǵystaý oblystyq aýrýhanasy kardıohırýrgııa ortalyǵynyń kardıolog dárigeri Aqnur Aldabergenova.
Byltyr ortalyq aýrýhanada 260-taı júrek operatsııasy jasalǵan. Onyń 213-i ashyq túrde ótken. Al 50-ge jýyǵy tamyr joldaryna jasaldy.
Ota kúrdeliligine baılanysty bir jarym saǵattan tórt saǵatqa deıin sozylǵan.