Mańǵystaýda jumyssyzdyq máselesin sheshý úshin 21 ınvestjoba iske qosylmaq

NUR-SULTAN. QazAqparat - Mańǵystaý oblysyna jumys sapary aıasynda QR Premer-Mınıstri Álıhan Smaıylov óńirdiń áleýmettik-ekonomıkalyq damý máseleleri jóninde keńes ótkizdi, dep habarlaıdy QR Úkimetiniń baspasóz qyzmeti.

Úkimet basshysy Memleket basshysynyń tapsyrmasy boıynsha qabyldanǵan Óńirdi damytýdyń 2025 jylǵa deıingi keshendi jospary aıasynda birqatar mańyzdy jobalardyń iske asyrylatynyn atap ótti, bul jańa ónimder shyǵarýǵa, jumys oryndaryn quryp, oblys turǵyndarynyń turmys-tirshiligin jaqsartýǵa múmkindik beredi.

Oblys basshylyǵynyń aldynda turǵan mańyzdy mindet retinde Úkimet basshysy azyq-túlik baǵasynyń ósýin tejeý máselesin atady.

«Oblysta jyl basynan beri áleýmettik mańyzy bar azyq-túlik taýarlarynyń baǵasy 16%-ǵa ósti. Baǵanyń negizsiz ósýine jol bermeý úshin qolda bar quraldardy tolyǵymen ári tıimdi qoldaný mańyzdy», — dedi Premer-Mınıstr.

Álıhan Smaıylov oblys ákimdigi saýda ústemesine baqylaýdy kúsheıtýi qajet ekenin aıtty.

Úkimet basshysy óńirdegi ózekti másele – jumyssyzdyq, ony sheshýdiń negizgi joly ınvestıtsııa tartý ekenin aıtty. Bıyl myńnan astam jumys ornyn qurýmen 21 ınvestıtsııalyq jobany iske qosý josparlanyp otyr.

Keńesti qorytyndylaı kele, Premer-Mınıstr Mańǵystaý oblysynyń eldi mekenderin gazdandyrý jáne sýmen jabdyqtaý máselelerine qatysty birqatar basqa da tapsyrmalardy atap ótti.

Úkimet basshysy fermerlerdi mal azyǵynyń qajetti kólemimen qamtamasyz etý máselelerine erekshe nazar aýdardy. Osyǵan baılanysty Aýyl sharýashylyǵy mınıstrligi «Qazaqstan temir joly» UK» AQ-men jáne oblys ákimdigimen birlesip, jeńildikterdi uzartý men jem-shópti óńirlerge jetkizý boıynsha túbegeıli sharalar qabyldaýy qajet.