Mańǵystaýda jer zańnamasyn buzǵan memqyzmetker jumystan bosatyldy

AQTAÝ. QazAqparat – Mańǵystaý oblysynda apta basynan 2 memlekettik qyzmetshi tártiptik jaýapkershilikke tartyldy. Olardyń isi Ádep jónindegi keńeste qaralǵan bolatyn, dep habarlaıdy QazAqparat tilshisi.

Atap aıtsaq, Mańǵystaý oblystyq prokýratýrasynyń zańbuzýshylyqty joıý jóninde usynýy negizinde Mańǵystaý oblysynyń qala qurylysyn jáne jerdi baqylaý basqarmasy basshysynyń orynbasary B.Orynbasarov «Qazaqstan Respýblıkasynyń memlekettik qyzmeti týraly» Zańynyń 50-baby 1-tarmaǵy 4-tarmaqshasyna sáıkes, oǵan «laýazymynan bosatý» túrindegi tártiptik jaza qoldaný týraly sheshim qabyldady.

Tártiptik shara qoldanýǵa Basqarmamen «Kaspıı» áleýmettik kásipkerler korporatsııasyna tıesili jer ýchaskeleriniń ıgerilmeýine baılanysty, salynǵan aýyrtpalyqty negizsiz alyp tastaý arqyly basqa tulǵaǵa artyqshylyq kórsetkeni jáne memlekettik mekeme basshysynyń mindetin atqarǵan kezeńde jer zańnamasyn buzǵan tulǵalardy ákimshilik jaýapkershilikke tartýdan negizsiz bosatqany kórinis tapty.

Al, osy basqarmanyń bas mamany D. Konırova Ádep kodeksiniń talaptaryn buzdy dep sanalyp, oǵan «qatań sógis» túrindegi tártiptik jaza qoldaný týraly joǵary turǵan mekeme basshysynyń atyna usynymdar joldanatyn bolady.