Mańǵystaýda jańartylatyn energııa salasyndaǵy jobany júzege asyrý kelisimine qol qoıyldy

ASTANA. QazAqparat – QR Úkimeti men «HYRASIA ONE» kompanııasy Mańǵystaý oblysynda ornalasatyn «Jańartylatyn energııa men «jasyl» sýtegin óndirý men bólý ortalyǵyn qurý» jobasy boıynsha ınvestıtsııalar týraly kelisimge qol qoıyldy. Bul týraly QazAqparat Aqordaǵa silteme jasap habarlaıdy.

Eýropalyq Keńestiń Prezıdenti Sharl Mısheldiń Qazaqstanǵa resmı sapary aıasynda Qazaqstan Respýblıkasynyń Úkimeti men «HYRASIA ONE» kompanııasy arasyndaǵy «Qazaqstan Respýblıkasy Mańǵystaý oblysynda ornalasatyn Jańartylatyn energııa men «jasyl» sýtegin óndirý men bólý ortalyǵyn qurý» jobasy boıynsha ınvestıtsııalar týraly kelisimge qol qoıyldy.