Mańǵystaýda úzdik mektep pen ustazdardy anyqtaıtyn konkýrs jyl saıyn ótkiziletin boldy
Mańǵystaý oblysy ákiminiń orynbasary Rýslan Sakeev óńir basshysyna oblysta jyl saıyn «Úzdik pedagog» baıqaýyn uıymdastyrý týraly usynys jasady.
Syılyqtar tek qana bir «Úzdik jyl muǵalimi» jáne jekelegen nomınatsııalar boıynsha taǵaıyndalady.
«Úzdik pedagog» boıynsha beriletin 10 nomınatsııa usynyldy.
Konkýrs nátıjesinde úzdik jyl muǵalimi anyqtalyp, oblys ákiminiń 1 mln. teńge jáne ár nomınatsııa boıynsha Mańǵystaý oblysy ákimniń 500 myń teńge syılyǵy taǵaıyndalady.
«Úzdik bilim beretin uıym» syılyqtary 5 nomınatsııa boıynsha anyqtalatyn bolady.
Ár nomınatsııa boıynsha Mańǵystaý oblysy ákimniń 1 mln teńge syılyǵy taǵaıyndalady.
Ustazdar arasyndaǵy baıqaýdy uıymdastyrýdyń maqsaty - pedagog qyzmetiniń mártebesin arttyrý, bilim berý uıymdarynyń úzdik kórsetkishterin nasıhattaý jáne bilim berý uıymdarynyń pedagogtary men basshylarynyń kásibı jáne jeke tulǵalyq ósýin yntalandyrý.
Konkýrsqa menshik nysanyna jáne vedomstvolyq baǵynystylyǵyna qaramastan pedagogtar men bilim beretin uıymdar qatysa alady.
Konkýrstyq komıssııanyń quramyna memlekettik organdar, oblystyq bilim basqarmasy, oblystyq ishki saıasat basqarmasy, oblystyq bilim salasyndaǵy baqylaý departamenti, Nazarbaev Zııatkerlik mektebi, Sh.Esenov atyndaǵy KMTjIÝ, oblystyq oqý-ádistemelik ortalyq, oblystyq bilim jáne ǵylym qyzmetkerleriniń kásipodaǵy, «Nur Otan» partııasy MOF, QR memlekettik qyzmetter isteri jáne sybaılas jemqorlyqqa qarsy departamentiniń, Qoǵamdyq keńes, úkimettik emes uıymdar, buqaralyq aqparat quraldary basshylary, ardager ustazdar engizildi.
«Elimizdiń erteńi - bilimdi jastar. Al sol jastardy tárbıelep oqytatyn - ulaǵatty ustazdar. Sondyqtan bul mamandyq ıeleriniń eńbegi árqashanda baǵalanýy tıis. Sol sebepti, osyndaı baıqaýlardyń uıymdastyrylýyn men qoldaımyn», - dedi Mańǵystaý oblysynyń ákimi Eraly Toǵjanov.
Syılyqtar jyl saıyn muǵalimder kúninde tapsyrylady.