Mańǵystaýda ulttyq parkte jyrtqysh mysyqtar men qaraqulaq kózge tústi

AQTAÝ. QazAqparat - Qaraqal men dala mysyǵynyń sýretterin «Qarasaı» memlekettik aımaqtyq tabıǵı saıabaǵynyń ınspektorlary bólisti, dep habarlaıdy QazAqparat lada.kz saıtyna silteme jasap.

Qoryq aýmaǵynda júrgizilgen reıd jumystarynyń barysynda sırek kezdesetin jabaıy mysyq - qaraqal baıqalǵan.

Oblystyq aımaqtyq ınspektsııa qaraqaldyń túrki tilinen «qaraqulaq» dep aýdarylatynyn túsindirdi.

«Bul - mysyqtuqymdastarǵa jatatyn sútqorekti janýar. Qaraqaldy uzaq ýaqyt boıy ózi uqsas sileýsinderge jatqyzdy, alaıda birqatar genetıkalyq erekshelikterine baılanysty keıin jeke túr bolyp ajyratylǵan. Ol kóbine shól dalany mekendeıdi. TMD aýmaǵynda sany az, Qyzyl kitapqa engizilgen», - dep atap ótti mamandar.

Elimizde qaraqal Kaspıı teńiziniń jaǵalaýynda kezdesedi.

Janýar kóbine túnde shyǵady, biraq qysta jáne kóktemde ony kúndiz de kezdestirýge bolady. Mańǵystaý oblysynyń aýmaǵynda shamamen 300-400 qaraqal bar.

Oblystyq aýmaqtyq ınspektsııadan túsindirip ótkendeı, ekinshi sýretke mysyqtuqymdastar ishinde kishkentaı mysyqtardyń jabaıy ókili - dala mysyǵy túsip qalǵan.

Bul túr Qyzyl kitapqa engizilgen joq.