Mańǵystaýda túıeniń kúl aýrýyna qarsy jańa vaktsına synaqtan ótkizilýde
Qazirgi ýaqytta Qazaqstanda jáne Keden odaǵyna múshe-elderde túıeniń kúl aýrýyna qarsy vaktsına shyǵarylmaıdy.
Osy jaǵdaıdy eskergen, QR Bilim jáne ǵylym mınıstrligi Bıologııalyq qaýipsizdik máselelerin ǵylymı zertteý ınstıtýtynyń ǵalymdary aýrýǵa qarsy jańa vaktsınany jasap shyǵardy. Osy jyldyń aqpan aıynan bastap ǵalymdar Mańǵystaý oblysy Beıneý aýdany sharýashylyqtarynda jańa vaktsınany óndiriske engizý aldyndaǵy synaq jumystaryn júrgizýde.
«Osy ýaqytqa deıin 110 túıege vaktsına salyndy, bul Beıneýdegi 3 sharýa qojalyǵynyń maldary. Ázirshe, onyń keri áseri baıqalǵan joq. Ǵalymdar zerthanaǵa tekserýge alyp ketti. Nátıjesin kútýdemiz. Eger qorytyndy jaqsy bolsa, qoldanysqa engiziledi»,-deıdi oblystyq veterınarııa basqarmasynyń basshysy Shamǵalı Hamıev.