Mańǵystaýda týrıstik maýsymdy uzartý maqsatynda 20 shara ótedi

AQTAÝ. QazAqparat - Mańǵystaý oblysynda týrıstik maýsymdy uzartý úshin qazan, qarasha aılaryna 20 shara josparlandy, dep habarlaıdy QazAqparat tilshisi.

Sharalardyń alǵashqysy Aqtaý qalasynda ótti.

«BalQaimaq food» festıvaline 10 myńnan asa adam qatysqan. Oǵan qalanyń 20-dan astam úzdik meıramhanasy kondıterlik ónimderin usyndy.

Qazan, qarasha aıynda Mańǵystaý oblysynda 20 is-shara uıymdastyrǵaly otyr. Onyń eń alǵashqysy «BalQaimaq food» festıvali. Jazǵy maýsym aıaqtalsa da, qys túskenshe qonaqtar tek teńizdi tamashalýǵa ǵana emes, dámdi taǵamdarymyzdan aýyz tııý úshin de kele alady, - dedi «Rixos Aktau» jáne «TetysBlu» demalys ornynyń basqarýshy dırektory Serik Isaǵalıev.

Qala turǵyndary úshin festıval ótkizilgen «TetysBlu» saıabaǵyna kirý tegin boldy. Taqyryptyq parkte 13 attraktsıon aqysyz jumys jasap, balalarǵa arnalǵan kontserttik baǵdarlamalar uıymdastyryldy.

Shara barysynda qurt, balqaımaq jármeńkesi de uıymdastyryldy.

Aıta ketsek, aldaǵy aptalarda Aqtaý qalasynyń turǵyndary men qonaqtary úshin «Caspi Byke», «Teniz Music Fest», «Plogging Saura & Tamshaly», «Aktau Marathon» jáne «Dj Run Aktau» sharasy uıymdastyrylady.