Mańǵystaýda soǵystyń kózi tiri 6 ardagerine mln teńgeden beriledi

AQTAÝ. QazAqparat - Mańǵystaýda Ekinshi dúnıejúzi soǵysynyń ardagerlerine 1 mln teńgeden birjolǵy materıaldyq kómek tólenedi, dep habarlaıdy QazAqparat.

Bul týraly qoǵamdyq kommýnıkatsııa ortalyǵynda ótken brıfıngide Mańǵystaý oblysy jumyspen qamtýdy úılestirý jáne áleýmettik baǵdarlamalar basqarmasynyń basshysy Áset Shopanov habarlady.

Spıkerdiń aıtýynsha, búgingi tańda oblysta Uly Otan soǵysynyń 6 ardageri turady.

Jyl basynan beri olarǵa kommýnaldyq qyzmetterdi óteý úshin 202 myń teńge tólendi. Bıylǵa qaralǵan qarajat - 880 myń teńge.

- Olarǵa jergilikti bıýdjetten Jeńis kúnine 1 mln teńgeden qarajat tólendi. Jeńildik boıynsha soǵys ardagerlerine teńestirilgen 774 ardagerge 40-60 aılyq eseptik kórsetkish aralyǵynda birjolǵy materıaldyq kómek kórsetilip otyr. Qorshaýda qalǵan Lenıngrad turǵyndaryna - 153 150 teńgeden, kontslagerdiń kámeletke tolmaǵan tutqyndary - 3 adamǵa 153 150 teńgeden, soǵys ardageriniń jesirleri – 26 adamǵa 122 520 teńgeden beriledi, - dedi Áset Shopanov.