Mańǵystaýda sheneýnikter zańsyz jer satqan

AQTAÝ. QazAqparat – Munaıly jáne Túpqaraǵan aýdanynyń birqatar sheneýnikteri zańsyz jer satqan, dep habarlaıdy QazAqparat tilshisi.

Bul týraly oblystyq ákimdikte ótken otyrysta aıtyldy.

Munaıly aýdany, Mańǵystaý aýylynyń burynǵy ákimi jáne orynbasary, sáýlet qurylysy bóliminiń basshysyna qatysty memlekettik jer telimderin zańsyz ıelený aıasynda 8 qylmystyq is qozǵalyp, nátıjesinde atalǵan tulǵalar aıyptaldy.

Sonymen qatar, Túpqaraǵan aýdanynyń Aqshuqyr aýylynyń burynǵy ákimi jáne jer qatynastary bóliminiń basshysy qyzmetterin asyra paıdalanyp, 180 jer telimin zańsyz satyp, memlekettke 1,5 mlrd teńge shyǵyn ákelgen.

Túpqaraǵan aýdany sotynyń úkimimen atalǵan tulǵalar QR Qylmystyq kodeksiniń 361-babynyń 1-bóligi jáne 369-babynyń 1-bóligimen aıypty dep tanyldy.