Mańǵystaýda satyp alǵan taýaryna kóńili tolmaǵan tutynýshylarǵa 31 mln teńge qaıtaryldy

AQTAÝ. QazAqparat - Mańǵystaý oblysy boıynsha saýda jáne tutynýshylar quqyǵyn qorǵaý departamentine bıyl 8 aı ishinde 1302 ótinish kelip túsken. Nátıjesinde tutynýshylarǵa 31 820 554 teńge qaıtaryldy, dep habarlaıdy QazAqparat tilshisi.

Departamentke turǵyndardan jazbasha - 393, Telegram bot arqyly – 34, jeke qabyldaýda – 380 jáne jedel jeli boıynsha 495 ótinish kelip túsken.

Barlyq ótinish qaralyp, onyń 725-i qanaǵattandyrylǵan. Al 504-i túsindirilgen.

«Qazirgi tańda tutynýshylar ınternet dúkennen kıim jáne ónimderge tapsyrys beredi. Alaıda keı turǵyndardyń áleýmettik jelide aldanyp qalyp júrgenine kýámiz. Sol sebepti tapsyrys bergende óte muqııat bolýyńyzdy suraımyz. Jalpy departament Saýda qyzmetin retteý týraly zań boıynsha - 22, Tutynýshylar quqyǵyn qorǵaý týraly zań aıasynda - 1, barlyǵy 23 tekseris júrgizdi. Bıyl zań talaptaryn oryndamaǵan 21 kásipkerlik sýbekt ákimshilik jaýapkershilikke tartyldy»,- deıdi Mańǵystaý oblystyq caýda jáne tutynýshylar quqyǵyn qorǵaý departmentiniń basshysy Raýan Muhaev.