Mańǵystaýda «Orel ı reshka» baǵdarlamasy túsirilip jatyr

AQTAÝ. QazAqparat - «Orel ı Reshka» taǵy da Qazaqstan týraly baǵdarlama túsirip jatyr. Bul joly tanymal reseılik baǵdarlamanyń túsirilim toby Mańǵystaýǵa keldi, dep habarlaıdy QazAqparat tilshisi.

Mańǵystaýlyqtar aldymen túsirilim tobyn «Aqtaý» halyqaralyq áýejaıynan kórgen.

Áleýmettik jelide baǵdarlama júrgizýshileri Vasılısa Hvostova men Anton Zaıtsev túsirilim jasap júrgen vıdeo tarady.

Keıin jelide «Kógez» etnoaýylyndaǵy túsirilimniń kadrlary shyqty. Onda Vasılısa Hvostovanyń kólik toqtatyp turǵany túsirilgen.

Aıta keteıik, buǵan deıin «Orel ı reshka» saıahat týraly tanymal telebaǵdarlamasynda Almaty oblysy týraly sıýjet kórsetiletinin jazǵan bolatynbyz.