Mańǵystaýda myńǵa jýyq shetel azamaty kóshi-qon zańnamasyn buzǵan

AQTAÝ. QazAqparat – Mańǵystaý oblysynda jyl basynan beri 1 250 adam kóshi-qon zańnamasyn buzǵan. Onyń 935-i sheteldik bolsa, 318-i – qazaqstandyq, dep habarlaıdy QazAqparat tilshisi.

Kóshi-qon zańnamasyn buzǵandarǵa 5 mıllıon 526 myń teńge aıyppul salynǵan. Sondaı-aq, 20-ǵa jýyq jumys berýshi jaýapkershilikke tartylyp, 157 shetel azamaty el aýmaǵynan shyǵarylǵan.

«Jyl basynan beri QR Ákimshilik quqyq buzýshylyq týraly kodeksiniń 517-baby boıynsha, ıaǵnı sheteldikterdiń el aýmaǵynda bolý erejelerin buzǵany úshin 926 sheteldik jaýapqa tartyldy. Al, 518-baby – sheteldikterdi jáne azamattyǵy joq adamdardy qabyldaıtyn jeke nemese zańdy tulǵalardyń kóshi-qon zańnamasyn buzýy boıynsha 300 adam jaýapkershilik arqalady», - dedi Mańǵystaý oblystyq kóshi-qon polıtsııasy basqarmasynyń aǵa ınspektory Asylbek Orazǵalıev.