Mańǵystaýda munaı sorǵylaryn daıyndaıtyn tseh tolyqtaı avtomatty tehnologııaǵa kóshti

MAŃǴYSTAÝ. QazAqparat - Elbasynyń tsıfrlandyrý baǵdarlamasy aıasynda iri kásiporyndar jappaı avtomatty texnologııalarmen jabdyqtalýda. Sonyń biri - Mańǵystaýdaǵy uńǵymadaǵy sorǵy qondyrǵysyn jasaıtyn zaýyt, dep habarlaıdy QazAqparat tilshisi.

Zaýyt ónimderi elimizdegi munaı kenishterin tolyq qamtyp otyr. Tolyqtaı sheteldik texnologııalarmen jabdyqtalǵan. Sheteldik ınvestorlar jańa texnologııalardy iske qosýǵa 5 mln. qarajat quıǵan. Úkimet basshysy Baqytjan Saǵyntaev aımaqqa sapary barysynda atalǵan kásiporynnyń tehnologııalyq úderisimen jáne jańa óndiristik ári servıstik múmkindikterimen tanysty.

Tsehta sapasy halyqaralyq talaptarǵa saı jylyna 1000 dana munaı soraptary daıyndalady. Munaı óndirý salasynda qoldanylatyn otandyq taýar - sorǵylar endi Eýropa naryǵyna shyqpaq.

«Jańa tehnologııalar túgel avtomattandyrylǵan. Qondyrǵylar sý jańa. Shlıýmberje «Tsıfrlyq ken orny», «I-invoicing», «Shot usyný» jobalary boıynsha «Qazgermunaı» BK» JShS, «Qarajanbasmunaı» AQ, KNOS, «Qarashyǵanaq Petrolıým Opereıtıng», «Teńizshevroıl» JShS sekildi munaı óndirýshi kásiporyndarǵa qyzmetter usynýmen aınalysady. Qazir kórip turǵandaryńyzdaı, munaı qurylǵylaryna jóndeý jumystaryn da júrgizýdemiz. Bul Ázerbaıjan eline ketedi. Sonymen qatar, úlken tapsyrys bergen kompanııalar bar», - deıdi bas dırektor Mýhamed Razıev.

Ónimder ishki suranysty qamtyp qana qoımaı, Kaspıı aımaǵy men taıaý Shyǵys elderine jóneltiledi. Sonymen qatar, kásiporynda bólshekterge jóndeý jumystary júrgiziledi.