Mańǵystaýda munaı sorǵylaryn daıyndaıtyn tseh «tsıfrlandyryldy»

AQTAÝ. QazAqparat - Elbasynyń «Tsıfrlyq Qazaqstan» baǵdarlamasy aıasynda iri kásiporyndar jappaı avtomatty texnologııalarmen jabdyqtalýda. Sonyń biri - Mańǵystaý oblysynda munaı uńǵymalaryna sorǵylar jasaıtyn tseh, dep habarlaıdy QazAqparat tilshisi.

Kompanııa ónimderi elimizdegi munaı kenishterin tolyq qamtyp otyr. Túgeldeı sheteldik texnologııalarmen jabdyqtalǵan. Sheteldik ınvestorlar jańa qurylǵylardy iske qosýǵa 5 mln qarajat quıǵan. Úkimet basshysy Baqytjan Saǵyntaev aımaqqa sapary barysynda atalǵan kásiporynnyń tehnologııalyq úderisimen jáne jańa óndiristik ári servıstik múmkindikterimen tanysqan bolatyn.

Tsehta sapasy halyqaralyq talaptarǵa saı jylyna 1 myń dana munaı nasostar daıyndalady. Munaı óndirý salasynda qoldanylatyn otandyq taýarlar endi Eýropa naryǵyna shyqpaq.

«Jańa tehnologııalar túgel avtomattandyrylǵan. Qondyrǵylar sý jańa.  «Shlıýmberje» kompanııasy «Tsıfrlyq ken orny», «I-invoicing», «Shotusyný» jobalary boıynsha «Qazgermunaı» BK» JShS, «Qarajanbasmunaı» AQ, KNOS,«Qarashyǵanaq Petrolıým Opereıtıng», «Teńizshevroıl» JShS sekildi munaı óndirýshi kásiporyndarǵa qyzmetter usynýmen aınalysady», - deıdi bas dırektor Mýhamed Razıev.

Ónimder ishki suranysty qamtyp qana qoımaı, Kaspıı aımaǵy men taıaý Shyǵys elderine jóneltiledi.

Kompanııa basshysynyń aıtýynsha, kásiporynda sondaı-aq munaı qurylǵylaryna jóndeý jumystary da júrgiziledi. Sondaı tapsyrystardyń biri Ázerbaıjannan túsken. Olardyń arasynda úlken tapsyrys bergen kompanııalar da bar.