Mańǵystaýda mektep túlekteri kópbalaly otbasyǵa úı alyp berdi

AQTAÝ. QazAqparat - Beıneý aýdanynyń mektep bitirgenine 10 jyl tolǵan túlekteri igi iske sebepker boldy, dep habarlaıdy QazAqparat tilshisi.

Mańǵystaýda Beıneý aýdanynyń túlekteri baspanasyz turǵynǵa úı syılady. Bul bastama el Táýelsizdiginiń 30 jyldyǵy aıasynda bastaý alǵan Mańǵystaý oblysy ákimdiginiń «30 ıgi is» jobasy negizinde ótti.

Aýyl jastary qaıyrymdylyqqa qor jınap, aýdandaǵy kópbalaly otbasyǵa úıdiń kiltin tabys etti. Kútpegen jerden úıli bolǵan aýdan turǵyny Amanqosovtar otbasynyń qýanyshynda shek joq.

«Óte qýandyq jańalyqty estigende. Osyǵan deıin 6 balalammen 10 jylǵa jýyq páter jaldap júrdik. Osyndaı kómek jasap jatqan inilerime alǵysym sheksiz» - deıdi Alýadın Amanqosov.

Aýdan túlekteriniń mundaı qaıyrymdy sharasy dástúrge aınalǵan. Buǵan deıin 2009, 2010 jylǵy túlekterdiń demeýshiligimen kópbalaly otbasylar baspanaly boldy.

Jastardan qaıyrymdylyq estafetasyn 2012 jylǵy túlekter qabyl aldy.