Mańǵystaýda mektep bitirý keshinde merekelik dastarhan jaıýǵa tyıym salyndy
Onyń aıtýynsha, mektep bitirý keshi mektep qabyrǵasynda ótkizilýi tıis jáne ony bilim mekemesi uıymdastyrýy qajet.
«Mektep túlekterine mynalarǵa tyıym salynady: anımatorlardy, merekelik agenttikterdi, sýretshilerdi, merekelik is-sharalardy ótkizý úshin jeke stýdııalardy shaqyrýǵa, merekelik dastarhan uıymdastyrýǵa, jalǵa beriletin avtokólik shaqyrýǵa, qala (aýdan) boıynsha ekskýrsııa ótkizýge, mektep ákimshiligi men muǵalimderge syılyqqa qarajat jınaýǵa, oıyn-saýyq mekemelerinde kesh uıymdastyrýǵa bolmaıdy»,-dedi Gúlmıra Mamaeva.
Oqýshylardyń mektep bitirý keshine mekteptiń pedagogıkalyq ujymy, túlekter, túlekterdiń ata-analary, pedagogıkalyq eńbek ardagerleri, qamqorshylyq keńes músheleri, demeýshi uıymdardyń, oblystyq bilim basqarmasynyń ókilderi, bitirý is-sharalaryna múddeli memlekettik organdar jáne basqalary qatysa alady.
Jalpy, bıyl Mańǵystaýda mektepti 7562 túlek aıaqtaıdy. Onyń ishinde 7114-i memlekettik kúndizgi mekteptiń, 59-y jekemenshik, 389-y keshki mektep túlekteri.
11 synyp bilim alýshylarynyń memlekettik bitirý emtıhany – 2022 jylǵy 27 mamyr – 10 maýsym aralyǵynda.
«Altyn belgige» úmitkerler búkil qorytyndy emtıhandy óz mektebinde tapsyrady.
Attestatty saltanatty tapsyrý 16-17 maýsymǵa josparlanǵan.