Mańǵystaýda qysqartýǵa ushyraǵan munaıshylar narazylyq bildirdi
Olar zańsyz jumystan shyǵarýǵa narazylyq bildirgen, sondaı-aq jańa jumys ornyn taba ala ma, joq pa - soǵan alańdaýshylyǵyn aıtqan.
Al kompanııa jumystan bosatý eńbek zańnamasyna saı júrgizilip jatqanyn habarlaıdy, ıaǵnı 11 qyzmetkerge qysqartý sebebi týraly túsinikteme berilip, habarlama tapsyrylǵan.
«Kompanııadaǵy jaǵdaı men olardyń kópjyldyq eńbek tájirıbesin eskere otyryp, qyzmetkerlerge balama retinde 4 aılyq jalaqy mólsherinde ótemaqy tóleı otyryp, taraptardyń ekijaqty kelisimi boıynsha eńbek shartyn buzý usynylǵan. Sonymen qatar, kompanııa qysqartylǵan qyzmetkerlerge jalaqyny saqtaı otyryp, servıstik aýtsorsıngtik kompanııaǵa jumysqa ornalastyrýdy, jalaqyǵa 5% ústemeaqyny jáne toqtatý kúni boıynsha syılyqaqy tóleýdi usyndy. Qazirgi ýaqytta 5 qyzmetker usynyspen kelisip, jaqyn arada jańa kompanııada jumysqa kirisedi. Basqa jumysshylarǵa sheshim qabyldaýǵa qosymsha ýaqyt berilgen» deıdi kompanııa.
Qyzmetkerlerdiń ótinishimen 11 tamyzda bul jaǵdaı oblys ákiminiń orynbasary Q.Quljanovtyń tóraǵalyǵymen ótken áleýmettik áriptestik jáne eńbek janjaldarynyń aldyn alý jónindegi oblystyq úshjaqty komıssııanyń otyrysynda qaralyp, oǵan qyzmetkerler men kompanııa, kásipodaq ókilderi de qatysqan.
Mańǵystaý oblystyq memlekettik eńbek ınspektsııasy basqarmasy júrgizilip jatqan qysqartý protsesinde eńbek zańnamasy talaptarynyń saqtalýyna tekserý júrgizýdi josparlaǵan, onyń nátıjesi boıynsha tıisti qorytyndy berilmek.
Komıssııa otyrysynda qyzmetkerler tarapynan aldaǵy ýaqytta usynylyp otyrǵan kompanııada jumysqa ornalastyrýmen qamtamasyz etýge qatysty alańdaýshylyq bildirgen.
Oǵan kompanııa basshylyǵy servıstik kompanııadaǵy jumystyń turaqtylyǵy jáne qyzmetkerlerdiń jalaqysy saqtalatyny jóninde kýálik bergen.
Sonymen birge Total E&P Dunga GmbH kompanııasy jumys sapasyn arttyrý maqsatynda ońtaılandyrý sharasyn ótkizip, ujymda turaqtylyqty saqtaý jóninde barlyq qajetti sharalardy qabyldaıtynyn jetkizip otyr.