Mańǵystaýda qurylys qaldyqtaryn jınap, qaıta óńdeıtin polıgon ashý josparlanyp otyr
Bul týraly oblystyq tabıǵı resýrstar jáne tabıǵat paıdalanýdy retteý basqarmasynyń basshysy Dúısen Qusbekov málim etti.
Onyń aıtýynsha, óńirde sanıtarlyq talaptarǵa sáıkes keletin 7 polıgon bar. Bul polıgondar Jańaózen, Fort-Shevchenko qalalarynda jáne Munaıly aýdanynyń Baıandy aýylynda, Qaraqııa aýdanynyń Jetibaı, Quryq aýyldarynda, Beıneý aýdanynyń Beıneý aýylynda, Mańǵystaý aýdanynyń Shetpe aýylynda ornalasqan. Arnaıy talapqa saı emes 16 qoqys tastaıtyn alań bar. Al bul oryndar Mańǵystaý aýdanyndaǵy 7 aýylda jáne Beıneý aýdanyndaǵy 9 aýylda ornalasqan.
«Jalpy polıgondardyń jaǵdaıy men qoqysty suryptaý jumystary máz emes. Aımaqta turmystyq qatty qaldyqtardy suryptaýmen, qaıta óńdeýmen aınalysqysy keletin ınvestorlar búgingi ahýalǵa baılanysty kidirip tur», - dedi Dúısen Qusbekov.
Spıkerdiń málimetinshe, qazir óńirde qurylys jumystary artyp jatyr. Sáıkesinshe qurylys qaldyqtary da kóbeıýde.
«Qurylys qaldyqtaryn jınaý men qaıta óńdeý alańynyń qurylysy Nursultan qalasynda júrgizilýde. Osyǵan oraı, Mańǵystaýǵa da Munaıly aýdanyndaǵy polıgon mańynan qurylys qaldyqtaryn jınaý men qaıta óńdeý alańyn ashýdy uıymdastyrsaq deımiz. Mańǵystaý oblysynda qaldyqtardy jınaý jáne shyǵarýmen 21 mekeme aınalysady. Óńir boıynsha 12 006 dana qoqys saqtaıtyn konteıner bar. Áli de 16 819 danasy qajet», - dedi Dúısen Qusbekov.