Mańǵystaýda qos túıege soǵylǵan kóliktiń eki jolaýshysy qaıtys boldy

AQTAÝ. QazAqparat – Jetibaı-Aqtaý tas jolynyń boıynda kólik túıelerge soǵylyp, eki jolaýshy mert boldy, dep habarlaıdy QazAqparat tilshisi.

Oqıǵa 16 qyrkúıekte saǵat 22:41 shamasynda bolǵan.

«Vaz 21154» avtokóliginiń júrgizýshisi Aqtaý qalasynan Shetpe aýylyna baratyn jolda eki túıeni qaqqan. Tas joldaǵy oqıǵadan eki jolaýshy kóz jumyp, bes adam aýrýhanaǵa jetkizildi», - dep málim etti Mańǵystaý oblystyq polıtsııa departamentiniń baspasóz qyzmetinen.

Atalǵan fakti QR Qylmystyq kodeksiniń 345-baby 4-bóligi boıynsha tirkelip, tergeý bastaldy. Sot-medıtsınalyq saraptama taǵaıyndaldy.

Aıta ketsek, Aqtaýda ishimdik ishken júrgizýshi qozǵalyssyz turǵan 6 kólikti soǵyp ketken bolatyn. Oblysta jyl basynan beri 268 jol-kólik oqıǵasy bolyp, 46 adam kóz jumdy jáne 342 adam jaraqattandy.