Mańǵystaýda koronavırýs vaktsınasyn alǵandar sany 80 myńnan asty

AQTAÝ. QazAqparat - Mańǵystaýda sońǵy eki aptada 20 myńǵa jýyq adam erikti túrde ekpe saldyrdy, dep habarlaıdy QazAqparat tilshisi.

Osylaısha jyl basynan beri koronavırýsqa qarsy vaktsına alǵandar sany 80 myńnan asqan.

Mańǵystaý oblystyq densaýlyq saqtaý basqarmasynyń málimetinshe, Aqtaý qalalyq №1 emhanasynda alǵashynda bir egý kabıneti bolatyn.

Búginde úsh egý pýnkti jumys istep tur. Aldaǵy ýaqytta onyń sanyn kóbeıtý josparda bar. Sondaı-aq, ekpe alý qarqyny «Neıron» emhanasynda da baıqalady.

Óńirde ujym bolyp ekpe jasatqandar kóbeıgen. Mektep, aýrýhana, balabaqsha, kitaphana, dámhana, kommýnaldyq qyzmet jumysshylary halyqty vaktsına alýǵa shaqyryp, beıneúndeý joldaýda.

Koronavırýs ınfektsııasyna qarsy vaktsınatsııa jumysy belsendi júrip jatyr. Oblysta koronavırýs ınfektsııasyna qarsy vaktsına saldyrǵandar sany 4 ese artqan.

Ekpe salýǵa 547 medıtsına qyzmetkeri attestatsııadan ótkizilip, daıyndaldy.

Oblysqa 221250 doza vaktsına jetkizildi, onyń ishinde:

reseılik Sputnik V: I komponent - 96 150 doza, II komponentten - 66 600 doza

QazVac – 7000 doza

Hayat Vax – 31500 doza

CoronaVac - 20 000.

Mańǵystaý oblysynda vaktsınanyń birinshi komponentin alǵandar sany - 80 119, al ekinshi komponent 41 396 adamǵa egilgen.

Oblysta KVI-ge qarsy vaktsınatsııaǵa arnalǵan 38 ekpe kabıneti, 14 jyljymaly brıgada jumys jasaıdy.

Atap aıtqanda Aqtaý qalasynda – 17, Jańaózen shaharynda – 6, Beıneý aýdanynda - 4, Qaraqııa aýdanynda - 2, Mańǵystaý aýdanynda - 1, Munaıly aýdanynda - 3, Túpqaraǵan aýdanynda – 5.

Oblys boıynsha vaktsına saqtaıtyn 25 muzdatqysh, 15 termokonteıner bar.

Densaýlyq saqtaý nysandary shtattyq rejımde jumys istep tur. Qazirgi tańda turǵyndarǵa 630 ınfektsııalyq jáne 60 reanımatsııalyq tósek-oryndyq 10 statsıonar qyzmet kórsetýde.

Atalmysh statsıonarlarda qazirgi ýaqytta 377 adam em qabyldap jatyr.

Jalpy tósek-orynnyń tolymdylyǵy – 60 %, reanımatsııalyq tósek - 35 adam nemese 58,3%.

Bıyl 5-12 shilde aralyǵynda 355 adam em qabyldap, jazylyp shyqty.

Alǵashqy medıtsınalyq-sanıtarlyq kómek mekemelerinde 95 mobıldik brıgada, 53 jedel járdem brıgadasy bar.

Oblystaǵy jedel járdem avtoparki 100% jańardy. Medıtsınalyq uıymdar qajetti jabdyqtarmen tolyq kólemde qamtyldy.