Mańǵystaýda kespe ishine telefon tyǵyp, túrmege ótkizbek bolǵan adam ustaldy

AQTAÝ. QazAqparat – Mańǵystaý oblysy boıynsha qylmystyq-atqarý júıesi departamentine qarasty GM-172/10 mekemesiniń qyzmetkerleri tez daıyndalatyn qurǵaq kespeden mobıldi baılanys quraldaryn tapty, dep habarlaıdy QazAqparat tilshisi.

Kespe ishine jasyrylǵan 2 «Samsung» jáne 1 «Nokia» markaly telefondary sirińke qoraptaryndaı ǵana bolǵan. Olar tsellofanǵa jáne folgaǵa oralyp, sodan keıin «Rolltonǵa» salynǵan. Osylaısha, sottalǵan adamǵa jetkizilmek bolǵan.

«Osy jyldyń 7 aıynda GM-172/10 mekemesine 7 ret ruqsat etilmegen zattardy ótkizbedik. Tekserý qyzmetkerleri 9 telefon men 2 esirtki zatyn tapty. Sot 5 ákimshilik materıaldy qarady. Tórt jaǵdaıda quqyq buzýshylarǵa árqaısysy 10 AEK aıyppul salyndy. Bir adamǵa eskertý jasaldy. 2 fakti qylmys retinde anyqtaldy», - dedi Mańǵystaý oblysy QAJD GM-172/10 mekemesi bastyǵynyń mindetin atqarýshy Esbolat Aǵlepesuly.

Al, uıaly telefondardy ótkizbek bolǵan adamǵa 10 AEK aıyppul salynady nemese ákimshilik qamaýǵa alynady.