Mańǵystaýda Kaspıı kúni atalyp ótti

AQTAÝ. QazAqparat - 12 tamyz - Kaspıı kúni. 2006 jyly kúshine engen Kaspııdiń teńiz ortasyn qorǵaý jónindegi Tegeran konventsııasy aıasynda jaǵalaýda ornalasqan bes memleket jyl saıyn bul kúndi atap ótedi. Al, elimiz boıynsha Mańǵystaý men Atyraý oblystary ǵana toılaıdy, - dep habarlaıdy QazAqparat tilshisi.

Osyǵan oraı, óńirde birneshe shara uıymdastyryldy.

Mereke aıasynda aldymen balalarǵa arnalǵan merekelik shara ótti. 10-14 jas aralyǵyndaǵy 60-tan astam oqýshy «Kaspıı teńizi», «Aqtaý qalasy», «Qorshaǵan orta» taqyryptarynda sýretter saldy.

Odan soń, ulttyq oıyndar: asyq atý, arqan tartys jáne bı boıynsha saıystar ótti. Báseke jeńimpazdaryna jáne qatysýshylarǵa syılyq retinde mektepke qajetti qural-jabdyqtar tabystaldy.

Sondaı-aq, Aqtaýdan 20 shaqyrym qashyqtyqta ornalasqan jaǵalaýǵa 30-ǵa jýyq balyqshy jınaldy. Olar ózderine qarasty aımaqty tazalaýǵa úles qosty. Osylaısha, 80 qap qoqys jınady.

«Tolyqtaı jınap, saldyq. Bul balyqshylardyń qoqysy emes, olar únemi jınap júredi. 50-100 metr aýmaqty tazalap ketedi. Bul demalýshylardyń qoqystary. Mysaly, qazir Germanııadan kelgen týrıster demalyp

jatyr»,-deıdi balyqshy Vıktor Rozenko.

Shara barysynda balyqshylar usynys jasady. Aıtýlarynsha, qoqysty jınaýǵa arnalǵan konteınerler teńiz jaǵalaýynda bolý kerek. Demalýshylarǵa da bul yńǵaıly bolady,-deıdi olar.