Mańǵystaýda gaz baǵasyn bir mezgilde kótergen 54 bekettiń ıesine aıyppul salyndy

AQTAÝ. QazAqparat – Mańǵystaýda suıytylǵan munaı gazynyń baǵasyn bir mezgilde kóterý túrinde básekelestikke qarsy kelisim derekteri anyqtaldy, dep habarlaıdy QazAqparat tilshisi.

Mańǵystaý oblystyq prokýratýrasy suıytylǵan munaı gazy naryǵyndaǵy zańdylyqtardyń jaı-kúıine tekserý júrgizdi. Nátıjesinde, 54 gaz quıý beketiniń ıesine, sondaı-aq gaz óńdeý zaýytyna 60 mln teńgeden astam somaǵa aıyppul salynyp, monopolııalyq tabys tárkilengen.

«Memleket basshysynyń tapsyrmasyna oraı, tekseris jáne taldaý jumystary júrgizildi. Nátıjesinde, birqatar zań buzýshylyq anyqtaldy. Barlyq kináli tulǵalar sot tártibinde jaýaptylyqqa tartyldy», - dedi Mańǵystaý oblysy prokýratýrasynyń 3-basqarma bastyǵynyń orynbasary Faızýlla Jańabaev.

Sondaı-aq, arnaıy baǵdarlamalardyń kómegimen elektrondyq saýda alańdarynyń qorytyndylaryn burmalaý úshin suıytylǵan munaı gazy naryǵyndaǵy sýbektilerdiń sózbaılasýy anyqtaldy. Búginde kináli tulǵalarǵa qatysty qylmystyq is raqymshylyq aktisi boıynsha toqtatylǵan.

Prokýratýra suıytylǵan munaı gazy naryǵyndaǵy básekelestikke qarsy áreketterge jol bermeý týraly eskertedi.

Ashy q k ó zderden alyn ǵ an foto