Mańǵystaýda erteń Astana qalasynyń mádenı kúnderi bastalady

AQTAÝ. QazAqparat - Mańǵystaý óńirinde 26-28 mamyr aralyǵynda Astana qalasynyń mádenı kúnderi ótedi. Biregeı joba elordanyń 20 jyldyǵyna oraılastyrylǵan, dep habarlaıdy Qazaqparat tilshisi.

Úsh kún boıy elordalyq ártister kontsert qoıyp, «Jastar» teatry "Qyz jibek", "Janarymdaǵy jalǵyz áýen", "Asaýǵa tusaý" qoıylymdary men balalarǵa arnalǵan ertegiler qoıady. Spektaklderge QR eńbek sińirgen qaıratkeri Nurqanat Jaqypbaı, QR eńbek sińirgen qaıratkeri Bekbolat Qurmanǵojaev, Túńǵysh Prezıdent Qory - Elbasy syılyǵynyń ıegeri Dáýren Serǵazın qatysady.

«Kıeli Mańǵystaý eline kep qaldyq. Endi osynda birneshe kún boıy ózimizdiń ónerimizdi, qoıylymdarymyzdy Aqtaý jurtshylyǵyna pash etpekpiz. Úzdik mıýzıklderimiz bar. Kishkentaı búldirshinderdi de umyt qaldyrmadyq. Solarǵa da qoıylymymyz bar. Osy spektaklderimizben Aqtaýǵa keldik»,-dedi óńirlik kommýnıkatsııalar qyzmeti alańynda ótken baspasóz máslıhatynda Dáýren Serǵazın.

Sonymen qatar, 27 mamyrda «Astanadan aq tilek» atty gala-kontsert bolady. Oǵan memlekettik akademııalyq fılarmonııa, Qazaq orkestri, «Shalqyma» halyq bıi ansambli,  Aıgúl Qosanova, Rınat Maltsgov, Almas Kishkenbaev, Tamara Asar syndy qazaq estradasynyń tanymal juldyzdary qatysady. Sol kúni keshke saǵat 8.30-da teńiz jaǵalaýynda Open air sharasy ótedi. 

 Sondaı-aq, N. Jantórın atyndaǵy oblystyq mýzykalyq-drama teatrynda 50 qazaqstandyq sýretshiniń 100-ge jýyq eńbegi qoıylǵan kórme uıymdastyrylady. Ekspozıtsııa úsh kún qatarynan saǵat 10-nan keshki 8-ge deıin bolady.

Mádenı shara 28 mamyrda saǵat 19.00-de Abaı Qunanbaev atyndaǵy mádenıet atyndaǵy saraıda «Elordadan elge sálem!» kontsertimen aıaqtalady.